حـــــــــكاية ثـــــــــورة
راح إللى راح
حلم الشهيد مات وانقضى
كان نفسه يبقى جنبنا
بعد الممات
يحكى حكاية ثورته يوم الوعيد
نسيوا إللى فات
صورته بتحكى قصته فوق الجدار
سرقوا الحكاية مننا
أصل الحكاية
إن شمعة نورت لينا الطريق
والقلوب السودة عايشة بتحب الظلام
قالوا كلام فوق الكلام فى حب مصر
والخير حييجى فى حبهم
سكت الكلام
سرقوا النهار
وجراحنا تكبر جنبهم زدنا نواح
والناس يتمشى فى حينا
واسأل سؤال
كل إللى ماشى بسأله
ماتلك شهيد
زى ابن أخويا إللى مات يوم التلات
وابن عمى لما فى الجمعه عموه
وابن خالى وابن خلتى أه واخويا
أه ياخويا
كان ماشى يصرخ زينا
والغدر جاله بالرصاص وسط العيون
فين العدالة فى حكمكم
فين النزاهة فى عدلكم
فين الوعود
والضلمة راسمة بالدموع
فوق الخدود
يلا امسحوا كل الكلام
أصل الحكاية لسة محتاجة تعيد
والثورة جايه حتبتدى
لازم تعود
